دوداغینین جیریغیندا

یومروق بویدا کوسو

گؤزونون اوجقارلاریندا

یوز یاشیندا سوآل داشییان

پرده ـ پرده گؤزلنیلمزلر.

سن اؤز تورپاغیندا

اؤگئی بیتن بیتگی‌لرین

طالعینه گوزگو توتان

عنوانسیز وطنداش،

سن شهید گؤل‌لرین

باش داشینا هؤرولموش

قاراباغ شکسته‌سی.

گؤزلرینی یوز کره

خزرده یوسان بئله

یالان کی دئییل

عالیجناب‌لارین سنه باغیشلادیغی

پریشان یوخولار!

سن نمیشلی گونلرین تورپاق عطرینی

یاوانلیق ائله‌ییب چؤره‌یینه

تامارزی ـ تامارزی تامسینان

قووولموش گوناهکار.