اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

hasssan
بایرام قوشو
حسن ایلدیریم

بیر آنام ساغ اولایدی !

ایلین دؤنر – دؤنمزیندن

“سولماز”-یم  چاغیریر:

ننه، آی ننه !

قوشا باخ!

آنام قاچیر اوشاق کیمی :

گؤزلری گوله- گوله دئییر :

بالام روحلو قارانقوشا باخ!

بایرام قوشو دوشوب باهار ایزینه

باهار سوراغینا

اوچوب …اوچوب …قونموشدو

بیزیم پنجره‌نین قیراغینا .

کؤرپه قوشا

بوز- بوز باخیردی

پنجره آرخاسیندان

قارتیمیش قیش.

کؤرپه‌جه اوره‌ک کیمی وورنوخوردو

ایلین دؤنر- دؤنمزینه قونموش

قارانقوش؛

قوش اوچوب  قونموشدو

آنامین اوره‌یینه

قارانقوش آپارمیشدی آنامی

آرخادا قالمیش ایللرین

سئوینج دادلی گونلری‌نین قوجاغینا،

کؤو‌رکلی‌یینی بوکموشدو قیزیل گول یارپاغینا .

قوش اوچوب قونموشدو

“سولماز”- یمین یاز نغمه‌لی خیالینا

بله‌میشدی اوره‌یینی

بادام چیچکلری‌نین آغ عطیرلی قونداغینا .

قوش اوچموشدو .

بلکه ده یوبانان باهارلاردان کوسوب؛

یالین آغاجلاردان

آجی سازاقلاردان

اؤتوب کئچمیشد؛

اوتاغا

 سئوینج بویالی سوکوت چؤکموشدو.

آنام

بویات غملر ایچیندن

گئدر- گلمز ایللرین دادینی دادیردی

قیزیم

آچیلمامیش سحرلرین، چیچکله‌میش باهارلارین،

آرزو قورشاغینا آسیلمیش اوره‌یینی

اوینادیردی

من

قالمیشدیم فصیللر آیریجیندا

کدرلی سئوینجین

گوموشو ،قیزیلی چیرپینتیلاری ایچینده

حسرتلرین یاماجیندا !

تهران -1376  – بایرام گونو

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *