ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

tagizade
ياز ياغيشي
علي تقي زاده لاريجان

گؤزلريم يولدادي ياريم گله ائي ياز ياغيشي

وار اوميديم بو ويصاله هله ائي ياز ياغيشي

او منيم كؤنلومه بير ياز ياغيشينان گلدي

سن‌له سالدي جانيما ولوله ائي ياز ياغيشي

نه زامان‌دير كي سنين ده كسيليب مرحمتين

سببين سؤيله بيلك گل ديله ائي ياز ياغيشي

داشیيیرسان گؤرورم داي بو دييارين پاييني

باشقا يئرلرده بوكورسن سئله ائي ياز ياغيشي

بو جوجرميش هاچالانميش زميلر مونتظرين

بير آياق ساخلا تلسمه بئله ائي ياز ياغيشي

يئرله يكسان اولاجاق يوخسا بيتن بيتگي بوتون

دؤزمگ اولماز بئله بير نيسگيله ائي ياز ياغيشي

ياغ، يتيم سئوگيلرين سونبولو بلكه دن آلا

بويلانيب عشق آدينا يوكسله ائي ياز ياغيشي

قويما هيجران توزونون قالماغا اوستومده ايزي

ترسه يئلدن كؤمگ آل سيلكله ائي ياز ياغيشي

ائله ياغ كينلي اوركلرده‌كي نيفرت ده گئده

پاكلانيب بنزه‌يه بير تر گوله ائي ياز ياغيشي

سن ياغاندان سورا الحق كي تجلي تاپير عشق

نازلانير شئهلي چيچك بولبوله ائي ياز ياغيشي

اوزادير فاطما آنا قووس-و قزح‌دن هاناسين

بويالاردان توخونور سلسله ائي ياز ياغيشي

گؤز ياشيندان دورو گؤردوكده ياشيل باش سونالار

قاييديرلار اونودولموش گؤله ائي ياز ياغيشي

سن ياغيش، من‌سه ياغيشليق گونه حسرت ملگيم

قييما سنسيز گئده عؤمروم يئله ائي ياز ياغيشي

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *