ایکی نفر
چئویرن: ناصر داوران
ترجمه: ناصر داوران
ناصر داوران
00:00
00:00

nesir
ایکی نفر
ناصر داوران

ائشیدیرمی‌سن

دنیزین آیاق سس‌لرین

بو چتین کیشی‌نین

باخیش‌لاریندا؟

چیچک قوخولو قافاسیندان

دیکسینیر چیرکین قرارلار

اؤلوم قورخور.

موسیقی دادی وار

حیاتا کئچیریلمه‌میش دویغولاریندا.

بیر نفر

فیشقا چالا ـ چالا

ساحل بویو

آیاق‌لارین تولازلاییر

یانیندان اؤتن‌لری

گؤرمه‌دن،

مارتی‌لارا قارمان چالان اوغلانین

سوتول بارماق‌لاریندا تومورجوقلانان

یانیق کرم‌دن

خبرسیز.

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

غربت

ایکی نفر

ناصر داوران
www.ishiq.net

آذربایجان ادبیات و اینجه‌صنعت سایتی