یاشیل یئللرین سیغالینی دویاندا یالنیزلیغیمدا؛
ایچیمین آلاقلارینین سسینی ائشیدیرم:
آغیز آچیبدیرگؤیون پنجرهسینه.
نئجه باخیم چایین قیوریمینا
ـ شلالهیه یئتن زامان ـ
لحظهلریمین قوخوسو
ایزلریمی یالایاندا؟!
اولدوزلارین قاش-گؤز آتماسی آلدادیر منی
چنلی ثانیهلرین سیمفونیاسینین وورغوسوندان
چیخماق اولارمی هئچ؟
من بو سفیل یارپاقلاری توپلایاناجاق،
دومانلی یئللر هامیسینی اوغورلایاجاق
یاشیل تپهنین ساچلارینی هؤرهن زامان
کئچیدسیز درهلره هوپاجاغام
من و بو بیچیمسیز پارلاق گوزگوم
گئجهنین قارنیندا پاس باغلایاجاغیق
24/۱۲/۱۳۷۳
