ایکی گؤیرچین
ال اله
گئجهیه رغما
صاباحی یاشایاراق
صاباحی وورغولایاراق
صاباحی پای توتدولار یولداشلارینا
سونرا سریلدیلر خیاوانین اورتاسیندا
قیزیل رؤیالارا.
یئنیجه دوداغینین اوستو گؤیرمیش بیر اوغلان
اونونلا یاشید بیر چیچک.
بیز ایستهمهییریک دئییردیلر
بیز ایستهییریک دئییردیلر.
تمیز گئیینردیلر
تمیز دانیشاردیلار
تمیز سئوگیلرین
اوتانجاق اؤپوشلرین.
اونلار نه بیلسینلر آخی
ایستهمهیین، ایستهمهمهیین
ناحاق اولسا دا
بعضا اؤدهکی چوخ اولور.
– آخی نه دئییریک کی؟!
بونجا قوش گؤی اوزونده اوچماقدا
ایکی قاناد دا بیز
ایکی قاناد دا بو صینیفداشلاریمیز؛
گؤیون گؤیلویونهمی توخونار؟
قضادان
اونلارا آتش آچانلار دا
بیلمهییردیلر بو سؤزون جاوابین.
۱۴۹۴/۱۰/۲۶
