سئومک سنی
کیان خیاو
سئومک سنی
آلینا سورتمک الینی بیتیک کیمی!…
بیر قهوه کیمی آجیماق
اؤز کیمی، اؤیکو کیمی!…
سنی گؤزیاشی آغزی‌یلا
قان آغزی‌یلا چاغیرماق؛
دوداقلار تیکیلن اؤدده!…
سنین
یالنیز سنین به‌یه‌نینه سیغینماق
سئورسنسه
بو تانینماز، اومودسوز آغیزی باری!…
سنی سئومک
یئر کوره‌سی کیمی
ساعاتدا اون‌مین کیلومئتره تووویلا
باشینا دولانا‌راق!…
باشینا دولانا‌راق
و چئوره‌له‌یه‌رک
ساعاتدا سککیزیوزمین کیلومئتره تووویلا
گؤوده‌نین سود یولونو!…
سئومک سنی
اؤنده بیر یئنه‌لنمه اوچوروموکن!
آرد- آردینا آدینی یئنه‌له‌مک!
سئومک و سنه ائنمک
یاشام زیروسیکن آدینا دوشوکلوک!…
سنی سئومک
سئومک سنی
سئومک آجونون سونوکن آجونو!
و سنسیزکن
سیقارئتدن بوش بیر پاکات کیمی آتماق یاشامی!…
سئومک سنی
سئومک
اؤپمک
و اؤلمک!..
2 پاسخ
شعرهای اقای کیان فوق‌العادس!
سالاملار ایشیق دا بوتون ایشلیینلره
یئنی ایل بایرامینیز قوتلو اولسون
من بو وب سایتی گورمک دن چوک سئویندیم
شعر لری چوخادین