سنی اؤز دیلیمده یازمایاجاغام
دوستاقلانمایاسان، حبس اولمایاسان.
سنی اؤز دیلیمده یازمایاجاغام
بو گئنیش دونیادا تک قالمایاسان.

سنی اؤز دیلیمده یازمایاجاغام
نانجیب گؤزلری اوستونده اولسون.
سنی اؤز دیلیمده یازمایاجاغام
پیسلیک‌لر پوسقودا قصدینده اولسون.

بیر چیینار قوینونا یازاجام سنی
ائله بیردیلده کی دویولمویاسان.
دؤیسه‌ده قار- یاغیش بوتون گؤوده‌نی
اینجه‌لیب ازیلیب اویولمویاسان.

یارپاق‌لار کؤنلونه یازاجام سنی
داها گوندن گونه یاشیللاشاسان.
بوداقدان بوداغا باغی، مئشه‌نی
آدلاییب، آتلانیب جوشوب داشاسان.

هر پاییز تورپاغا دوشن بیر یارپاق
سونبول ساچاغی تک قوی دنه دولسون.
قاریشیب تورپاغا بیر توخوم سایاق
یئنی‌دن بوی آتان بیرچینار اولسون.

سنی اؤز دیلیمده یازمایاجاغام
دوستاقلانمایاسان، حبس اولمایاسان.
سنی اؤز دیلیمده یازمایاجاغام
بوگئنیش دونیادا تک قالمایاسان.
شهریور ۱۳۹۶