اوره‌یی ایکی‌یه بؤلدو بؤلن‌لر،
غیرتسیز مات قالدی، اؤلدو اؤلن‌لر،
سویولدو دریمیز، گولدو گولن‌لر،
او اوره‌ک منیمدیر، یارا منیمدیر!
اوزادیر بیزلره قانلی الینی،
گؤرورم دالغادا پوللو یلینی*،
خان چوبان نیشانلی سئل‌لر گلینی،
او سئل‌لر منیمدیر، سارا منیمدیر!
«سید»م گؤزومدن بویلانیر گومان،
آغزیمدان اود یاغیر، باشیمدان دومان،
گله‌جک ائله گون، گله‌جک اینان
دئیه‌رم هارادان هارا منیمدیر.
*: ایلین سویوق واختیندا گئییلن قادین جانلیغی (کت‌ی)
