سس‌سیز‌ـ سمیرسیز ایشله‌یه‌رم
حق نه‌دیر، حقوق نه‌دیر وئرمزلر.
منیم اوچون «قادین گونو» آنلامسیزدیر،
هر گون منیم «گونو»م‌دور.
گونلریمی آجی‌ـ آغری آنلاریلا یاشاییرام
هئچ گون منه گون دئییل،
گونوم اولسا دا! گون منیم اولمور.
منه گون یوخ
ساعات بئله، آن دا یوخدور .
من قادینام
منه گونو گتیرمگه ایذنی وارسا
منه گون گتیرمگه اللری بئله گونه یئتمیر
ار دئدییم ائویمده کی عارسیز ارکک.
من قادینام
گوجون منه گؤسترنلر بول اولسا دا
منه حاق یوخ
منه گون یوخ
حاقسیزلیقلار حدیندن چوخ…!
*گونو: هوو، ارین ایکینجی قادینی
