چئویرن: ایشیق
ترجمه: ایشیق
ایشیق
00:00
00:00

eldar
یاریمچیق سؤز
ائلدار موغانلی

 کؤلگه‌لر سریلیب شه‌هرین اوستونه

اوره‌یی ایرینلی

گؤزو کینلی

نفه‌سینده ظولمت قوخوسو

سسینده گئجه قورخوسو …

کؤلگه‌لر سریلیب شه‌هرین اوستونه

قینیندا گیزله‌نیب سایریشان اولدوزلار

آیین جانیندا قیزدیرما وار…

کؤلگه‌لر سریلیب شه‌هرین اوستونه

کوچه‌لرین سینه‌سینده دؤیونور دیسکینتی‌لر

ائولرین اوستونه یاغیر تنها‌لیق

پنجره‌لرده تور قورور هؤرومجک‌لر،

مورگوله‌ییر شه‌هر …

کؤلگه‌لر سریلیب شه‌هرین اوستونه

کؤلگه‌لی‌دیر زامان

                        گؤی

                                    یئر؛

دووارلار آرخاسیندا

چیلپاق قالمیش آرزی کیتابینی

                        واراقلاییر شاعر؛

کؤلگه‌لی‌دیر کیتاب دا

                        واراق دا

                                    اوتاق دا …

کؤلگه‌لر سریلیب شه‌هرین اوستونه ….

اوره‌یینده

یاز یاغیشی‌نین هاواسی

باخیشیندا

            سئوگیلی‌لر پیچیلتیسی

گوموشو ساچلاریندا

            دولاشارکن آیریلیق نسیمی

“من بو جهانه سیغمازام”- دئیه

قانادلانیر سحره دوغرو …

دالغا‌سیز بایراق کیمی

آسیلی قالیر ائیواندان

بارماق‌لاری دویونلو

گؤزلری سحرین پنجره‌سینه تیکیلی

آغزی آچیق

سؤزو یاریمچیق؛

بوغازیندا دویونله‌نن “آه …” سؤزومو

                                    یوخسا ” آ ز آ ….” ؟

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

یاریمچیق سؤز/ ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی

یاریمچیق سؤز/ ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی

یاریمچیق سؤز/ ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی