هله ده بیر گون اولوب؟ یئللر اسه گلمه‌یه‌سن
اوره‌ییم سئوگینه بیردن تلسه گلمه‌یه‌سن
یاز گله، بولبول اؤته، گوللری باغبان بزه‌یه
شعرلریم ماهنیلانا سن بو سسه گلمه‌یه‌سن
قاش- قاباقلی اوره‌ییم سن دئیه آغلار آنا تک
دؤزومو جانین آلا، صبری کسه گلمه‌یه‌سن
ساری بولبول هاواسین، خاطیره‌سین یاده سالیب
اوخویوب نیسگیل ائده بو هوسه گلمه‌یه‌سن
قاپی تاققیلدیسینا قیژ دئیه بیردن اوره‌ییم
یوخلوغون غم جالایا، جان دا کوسه گلمه‌یه‌سن
سؤز دوشه سئوگیمیزین ایلک یاغیشیندان، دئمه‌رم-
او بازاردا منی حسرت به‌لسه، گلمه‌یه‌سن
بونو بیل وارلیغی الدن گئده‌جک‌دیر «سازاغ»ین
تئل اسه، جان تلسه، سن ارسه گلمه‌یه‌سن
رقیه عبدیلی (سازاق)
چئویرن: رقیه عبدیلی (سازاق)
ترجمه: رقیه عبدیلی (سازاق)
سسلندیرن: رقیه عبدیلی (سازاق)
- شعر
- اوخوماق زامانی: < 1 دقیقه
- https://ishiq.net/?p=35069
چاپ
