حیات یئنی‌دن دوغور
آغاجلار گرنشه- گرنشه
قول- قاناد آچیرلار؛
بوداقلار دیوارلاردان بویلانیر
ال ساللاییرلار چیچک‌لره؛
کولک حزین- حزین
یارپاقلارلا دوستلاشیر
اینجه – اینجه پیچیلداشیر
سونرادا
سس‌لرینی پایلاشیرلار تورپاغا.
قوشلار باخدیقجا سرخوشلانیر،
بیاض گؤزلو بولودلار
گونشه قاش- گؤز آتیر
گونش ایسه
قیزیل ساچلارین دارارکن
آغاجلارلا سئویشیر.
بئله‌لیک‌له
اری‌ییر قیش،
باشلاییر حیاتدا
یئنی‌دن دوغولوش.
سوسن امینی
چئویرن: سوسن امینی
ترجمه: سوسن امینی
سسلندیرن: سوسن امینی
- شعر
- اوخوماق زامانی: < 1 دقیقه
- https://ishiq.net/?p=34864
چاپ
