یوردومون اوره‌ییندن
سالخیم- سالخیم اضطراب آسیلیر؛
دوداق‌لاری
قارا قامیشا دؤنوب سیزیلداییر، سیزلاییر؛
قولاقلاری
سؤزلرین آراسیندان اومید آختاریر،
خبرلر بیر- بیرلرینه ساریلیر؛
قول‌لاری
چورک آرخاسیندا قاناد چالیر، اوچور؛
گؤزلری
یورغونلوقدان آیاق اوسته یاتیر،
ساعات رؤیاسیندا آخیر…!
یوردومون آغ گون‌لری
اوره‌ک‌لرده داشینیر،
قیزیل نغمه‌لری
دوداقلاردا چالینیر.
آذر ۱۴۰۳
سوسن امینی
چئویرن: سوسن امینی
ترجمه: سوسن امینی
سسلندیرن: سوسن امینی
- شعر
- اوخوماق زامانی: < 1 دقیقه
- https://ishiq.net/?p=36292
چاپ
