گئجه‌نین اوره‌یی
قارانلیقدان بوش‌دور!
یالنیز
شه‌هرین لامپاسیز دیره‌ک‌لری
کوچه‌لرده سربست گزیرلر.
یوللار رنگینی ایتیریب
اینسانلارین اضطرابین داشیماقدان؛
هاوانین گؤزلرینه قارا سو گلیب
بولودلارین ایسه گؤز یاشلاری قورویوب؛
یانغین توستوسو ایله
کوچه‌لردن تمیزله‌ییرلر
اخلاق چیرکینلییی‌نین ایزلرینی؛
بیزیم ده آرزیلاریمیز
یووارلانا- یووارلانا
یئرآلتی کانال‌لاردا گئدیر.
آبان ۱۴۰۳
سوسن امینی
چئویرن: سوسن امینی
ترجمه: سوسن امینی
سسلندیرن: سوسن امینی
- شعر
- اوخوماق زامانی: < 1 دقیقه
- https://ishiq.net/?p=35999
چاپ
