آجیسینی
اورهکلرده بئجهریر
کدرین داواملی آخینیندان.
گوونسیزلیک فصیللرین
گؤینهیینی چالیر،
آغاجلار یاسینی توتور
قارا دومانا بورونور!
شههرین
گؤزونون آغی ایله قاراسی
قاریشیر بیر بیرینه؛
دوغرو ایله یالانی
آییرماقدا قاتیر!
آنجاق
قاینادیر ایچینده کی
یومورولانمیش زههرینی؛
سونوندا داشیر عصیان غضبی؛
گؤزلهییر صبیرسیزلیکله
ایلک قیغیلجیمینی،
ایلک آتیشینی،
یانغینینی…!
آذر ۱۴۰۴
