چئویرن: عبدالله یالچین
ترجمه: عبدالله یالچین
عبدالله یالچین

بیر گون بو لیمانا گلر گمی‌لر
فیتین چالا- چالا گلر، داریخما!
اوینار خیرچین سولار، گوموش لپه‌لر
گولر خیسین- خیسین، گولر، داریخما!

اویوموش دنیزین سونو هایقیریق
صورتی حلیم‌دی، جانی هایقیریق
ساغ سولو هایقیریق، اؤنو هایقیریق
چاغلایار، کوکره‌یر، دینر، داریخما!

پوسکورن وولکانین کؤکسونده داغ وار
یانیب آلیشماغا زامان وار، چاغ وار
او کؤچن دورنا وار، بو سولان باغ وار
پاییزدی؛ باهار دا دؤنر، داریخما!

جوشار، نغمه قوشار قولو ساز توتان
پوسکورر داغ کیمی دیلی سؤز توتان
آتیلار مئیدانا الی گورز توتان
چاپار کؤهلن آتین، مینر، داریخما!

بیر گون بو لیمانا گلر گمی‌لر
بو چنه، دومانا گلر گمی‌لر
گلر! بو عوممانا ،گلر گمی‌لر
فیتین چالا چالا گلر، داریخما!
۲۸/۰۹/۴۰۲

 

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

داریخما!

عبدالله یالچین
www.ishiq.net

آذربایجان ادبیات و اینجه‌صنعت سایتی

داریخما!

عبدالله یالچین
www.ishiq.net

آذربایجان ادبیات و اینجه‌صنعت سایتی

داریخما!

عبدالله یالچین
www.ishiq.net

آذربایجان ادبیات و اینجه‌صنعت سایتی