چئویرن: سخاوت عزتی (عندلیب)
ترجمه: سخاوت عزتی (عندلیب)
سخاوت عزتی (عندلیب)

او بولود بیزدن اینجییب،
آخدی گلمه‌دی، گلمه‌دی.
حسرتینه یئری، گویو،
یاخدی گلمه‌دی، گلمه‌دی.

داغلار قیسیر قالدی قارا،
چؤل، کؤوشنی باسدی قارا،
کیمدن، نه‌دن باهار بورا
قورخدو گلمه‌دی، گلمه‌دی.

سئچیلمیر سولوسو دئمی،
چکیلیب گؤزونون نمی،
او بولاغین منیم کیمی
باختی گلمه‌دی، گلمه‌دی.

بیز یاشامین داغین، دوزون،
سورونوروک دیزین- دیزین!
حاییف بیر چوخ ایشیمیزین-
واختی گلمه‌دی، گلمه‌دی.

«عندلیب» آغری‌ییر اوره‌ک،
سولوب لاله، ایتیب چیچک!
اوزاقلاردا قوجا شیمشک_
چاخدی گلمه‌دی، گلمه‌دی.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

گلمه‌دی، گلمه‌دی

سخاوت عزتی (عندلیب)
www.ishiq.net

آذربایجان ادبیات و اینجه‌صنعت سایتی

گلمه‌دی، گلمه‌دی

سخاوت عزتی (عندلیب)
www.ishiq.net

آذربایجان ادبیات و اینجه‌صنعت سایتی

گلمه‌دی، گلمه‌دی

سخاوت عزتی (عندلیب)
www.ishiq.net

آذربایجان ادبیات و اینجه‌صنعت سایتی