اووجومون چوخورونا یاغیر یاغیش
آلنیمین قیریشیغینا
خاملیغیما یاغیر، سیناغیما
آنامین یوموشاق ساچلارینا یاغیر
مزار اوستده گؤیه‌رن ساچلارینا
گونده‌لیییمین د‌ریسینه یاغیر
اودوزدوغوم سئوگی‌نین گؤزلرینه
سیگارئتیمه یاغیر
تک دوداق آرخاداشیم اولان، سیگارئتیمه
بوغاناغیما یاغیر یاغیش
تیکانلیق سیخینتیما
یاغیر اوچوروم آیریلیغیما،
اؤلومجول سکوتوما
آسیلمیش بیر اؤلویه یاغیش یاغیر.
مهرداد فخری
چئویرن: مهرداد فخری
ترجمه: مهرداد فخری
سسلندیرن: مهرداد فخری
- شعر
- اوخوماق زامانی: < 1 دقیقه
- https://ishiq.net/?p=32821
چاپ
