چئویرن: مسعود اسلامی
ترجمه: مسعود اسلامی
مسعود اسلامی

چک باشینا الینی قارقالار قارالسین کوچه باجانی
قاریشقالار دووارلاری داریشیرکن
چک سونسوزلوغون عشقینی،
دونیانین سون نفسینه
سود یولو قالابالیق عروج باشلانمیش
هاروت ایله ماروت یئددینجی گؤیو یئره اَندیرمیش
چک باشینی داشینا یولسوزلار یوللارینی آزدیریلسین
سونسوزلوغون ایچ قاتینا
و شاعیرلر شعیر اوخوسون شهریار مجتمع‌سینده
بوتون ملک‌لر گؤی‌لری یئره اِندیریلسین شئیطان‌لار
کامئرالار کام آلمادا هر طرفدن شکیل چکیلسین کلمه‌لر‌
چک چیخارت پاسلی ایینه‌نی یاشامین یاخاسیندان
گوزگولر سیندیریلسین دلیجه‌سینه دایانمادان
قارایاندیق‌لار ملکلنمه‌ده پنجره‌لر آچیلسین آی ایشیغینا قدر
قیریلسین زنجیرلر اله اؤرگنمیشلرین بویون‌لاری
الینی چک باشینا یاتمیشلار آییلسین دونیانین ترس اوزونه
یئر گویه اوزانسین گؤی گؤیسوزلویونه
قوووشسون بیری بیرینه بئهیشت جهننمی
سولارین رنگی ایلیم ایلیم ایتمه‌ده گؤز اؤنوندن
طبیعت اؤز رنگینی گئیینسین شقاییق‌لار
بوشالسین دامارلار سؤزلر دامارلانمادا دنیزه ساری
و دیرچلسین یاناقلار ساپ ساریمتیل گول‌لرینی
قیپ قیرمیزی‌دن
یایلاق‌لاری یارییارکن یارپوزلار، یاراماز یارسیز‌لار
گاهداندا سؤزجوک‌لر آنلامینی ایتیرر سوسوزمادان
ایچرسه کلمه‌لر، کؤپر بیرلشیم‌لر شعیراینجه‌لیک‌لرینی
اسرافیل عزراییلی یخه‌له‌یرکن
کار سس‌لر ده ائشیدیلر قولاق‌لار آلتینی سال داشلارین
چک باشینی اؤگئی‌لر گؤرمه‌سین گوزگو سینیق‌لارین
اولدوزلار سسه گلمه‌ده ایلدیریم‌‌لار توی دویونونه
چک آچیلسین قاپالی دیل‌لر، ال‌لرینین شرفینه
و آچیلسین زامانسیزلیغین حیکایه‌لری اینامسیزلیق‌لارا
یومدورولمادا حیاتین گؤزلری گونشسیزلییه ساری
چک باشینی بیر ایچیم گونش گؤیرسین آغری‌لار تورپاغیندان
بیر بؤجک‌ده وطن دئیه کولدان کولا سپیلسین سئوینجینی
چک باشینا سوسوزلوق‌ آنلارین فیرتینا قووزاسین دلی دنیزلر
دوشونمه‌ده دونیا اهالیسی؛ ال‌لرین ایسینتیسینی
طبیعت گولمه زهر، یئر گؤی هاراسان
قورخودولور من‌ی سؤزجوک‌لرین ابهامی من کلمه‌لری
چک باشینا باش‌سیزلیق‌لاری ال الی باشارسین
ال‌لر باشلاری
یئر دوشدویو داشدا دایاناماز شاعیر‌ فیکیری
سیلینیرسه دفترینیزدن
دونیا بیر میصرع شعیر، و بیرایچیم گونش
چک باشینا خییالی‌ گؤیرچین‌لرکسیلمه‌دن نسیلی
یاشام قورخونون ان اؤلومودور
و یاشاماق اؤلوم کیمی بیر شئی
اؤلمه‌ینلر یاشایامازلار تاریخ اولای‌لار اورتالیغیندان
انتحار دئییل تصمیم آنلاری، گؤرسنیلیرسه هدفلر
بیر ایچیملیک دایانا بیلسن آلتین گونشی
گؤیرچین‌لر اوچوشار قارانقوش‌لار
تاپیر یوخسا دا ایتیریر هر‌ نه‌یی
بو بیر اویوندور،«بیر‌مئینه‌نی اودموش»
دوز،
دوزپازل دوزمه‌جه‌لرینی
هر شئی ال‌لرینی یاشایار بارماق‌لارین
سئوگیلی‌لر سئوینر یومولمادان خومارگؤزلر
و بارماق‌لارینیزدان باشلایار ایناج‌لار ابهامی
تومجه‌‌لر ازدهامینی
بیر چاناق گونش ایچرسه ائل بولاغینی
یئتیم اولدوزلار
قارانلیق ایشیغینا دنه دولار، گونه باخان‌لار
گئجه یاریسی، گونه باخانلار!
بولود بوداق‌لاریندان آسلانیر
تورشا شیرین شعیر سالخیم‌لاری‌
درمه‌دن دریلیر شاعیر،
قیزاریرکن باریش بایراق‌لاری
فیکیرین ترس اوزونو
ال‌لریم آجیشدیریالدی شهرین گئجه جاتلاغی
دوندورولدو روحومون
اینجه‌لییینی تیکانلی سؤجوک‌‌لر
گونش ساچارکن ارییه‌ر،
ارییه‌ر بویالارتؤکولر ائشییه بیرر- بیرر
ترله‌میش عقرب‌لر
اوهوی ویدیونون دریسینه تپیلمیش سامان گؤزلوم
کوپویه آتیلان سئل‌لر، ال‌لر باشیمیزدان آشیر
…دولاشیر
و

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

چک باشینا الینی

مسعود اسلامی
www.ishiq.net

آذربایجان ادبیات و اینجه‌صنعت سایتی

چک باشینا الینی

مسعود اسلامی
www.ishiq.net

آذربایجان ادبیات و اینجه‌صنعت سایتی

چک باشینا الینی

مسعود اسلامی
www.ishiq.net

آذربایجان ادبیات و اینجه‌صنعت سایتی