چئویرن: مسعود اسلامی
ترجمه: مسعود اسلامی
مسعود اسلامی
00:00
00:00

بوشالتمادیم کی، یالنیز بیرشعیر دولدوردوم میکروفونو
سپمه‌دیم کی، فیسقیرتدیم اوز گؤزونه دلیسل قورخمامازلیغی
یالنیز بیر شعیر…
ایلک اؤنجه قوزغون‌لار سونرا آرابا دیکسینه‌رک اوچدو گؤی اوزونو
کیمسه توک‌لرین رنگینی ده گؤرمه‌دی گوموشو قوشون
یالنیز سور- سومویونو اووولدادی یئل‌لر ایچیمی
توک‌لر سوورولدو خیال خارابالیغینا اوچمادان
و سونرا…
امدی امجه‌یین آغی‌سینی بیلمه‌یرک‌دن، «آلِکسی ناوالنی»!
اولدوز قوسدو یئمه‌دیکلرینی، قارا قانچیل شَهَر تمیزلندی
یاریلدی یارالی گونش بولودلوق هاوانی
سیلمه‌دیم ده اوز گؤزونون تورتاسین
آچیلدیم‌سا آچمادیم آغ آپباق صاندیق دولوسون
درمه‌دیم ده قیش قارقوزالارین موغان دوزوندن
ییخیلدیمسه بولاشدیرمادیم موردار سولاری
آچیلدیم سا، موردار سولار آچمادیم …
باجاردیم داورانیشی باجارمادیم سس‌سیز‌
گئچی ده دئمه‌دیم قویونو چوبانسیز
نفس ده چکمه‌دیم قورخو قویوسون سو زهرلی
توتموشدوم سا «کرونانی»، آپارمادیم قورخو ائوینه خسته‌نی!
تانری‌ ایشلرین موردار بوشالتمادیم موردار سولاری
ایلک یازین کؤکسونو دنله‌ییردیسه،
آلا قارقالاری داش آتمادیم
بایقوش‌لارین سسینه دووار
اوستونده «اوستده»
اینانمادیم قارغا بانی دینله‌دیکلریمی
دینله‌مه‌دیکلریمی گؤردوم البته!
گئدیردیسه باشیم ال آتمادیم دوواری
الیمی اینانمادیم دووارا
شعیرده اوخومادیم یئل اسینجه
ترس اوزونه هاوانی
یالنیز خسته یاتدی ائویم
و ماسکالار سیخیلدی اوزگؤزومه قاشقای شهری
گونش بوغولورکن
دام دووار دیکسیندی حیسس‌لریمی کؤلگه‌لر
بوتون ‌انسان‌لار تیکان باتدی دیلیمین اوجونا
یاشادی یاشام، یارالی فیکیر سانجی چکیرکن
یئر گؤی جهننم‌لدی بهشت‌سیزلییینی
کلمه‌لرین زهری بوشالتمیشدی آشینا خسته‌نی
گون گونو قووالاییر دردلر درمانی
دونیانین ایچینه سپیلمیش قارقیشلار قان قادالی
قاریماز تانری، تاپ تازا کؤهنه‌لرین اویونون
فینجان‌لار دولدورولدو ایلنجه‌یه چای،
یالنیز آفلاتوکسین دولوسو بیر شعیر!
دانیشار سنی ده دیریلیرکن قوشلار اؤلو!
آلینیمداکی گؤزلر ماسکالاری اسیر
هر یئره گئدیرمسه قارا باسیرگؤزلریمی
تیلفونوم جاسوسلانمادا جیب‌لریمی
اؤزوم اؤزومده اوشویورم
گؤزلریم منی اینانماییرسا من گؤزلریمین سیررینه
ایناندیم قاپالی قاپی‌لارین قاباغیندا گؤزو ایری‌نی!
اؤلو قاچیردیرام شهری شهردن ارواح‌لار
اویولور ایچیمی یاشیل بیر ایشیق زیل قارانلیغینی
شیراز شهری بویوروق‌لارا باش ایمه‌دن!
داغ اود توتوب یاندی
هوشسوزلوغا هوپدورولدو موسا
اریدیر اینامسیزلیقلاری داغ داشین حرارتی
و قورخو دولور عصا، الینده‌کی موسانی!
اؤلچولموشلر بیچیلمه‌میشلری قارشیلامادا
قارقالار قارینجا یئییر قاریشقالار انسان،
کون فه‌یکونون توزو بوشالدی
بئیینسیزلییین نهایتینه
و فینجان‌لار‌ بوشالدی توکسون آفلا
جان‌لار!؟

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بوشالتمادیم کی،….

مسعود اسلامی
www.ishiq.net

آذربایجان ادبیات و اینجه‌صنعت سایتی

بوشالتمادیم کی،….

مسعود اسلامی
www.ishiq.net

آذربایجان ادبیات و اینجه‌صنعت سایتی

بوشالتمادیم کی،….

مسعود اسلامی
www.ishiq.net

آذربایجان ادبیات و اینجه‌صنعت سایتی