چئویرن: حسین مصری
ترجمه: حسین مصری
حسین مصری
00:00
00:00

موتسوزلوق
سنسیزلیین
هرگون اورتاچاغی‌نین آجی قاتقیسی
و هرگئجه‌نین
ایلک و سون کابوسو
و سنسیزلیک موتسوزلوغون اوجقار
و چوراق بیر اؤلکه‌سی.
آیریلدیق بیز
گؤروشمه‌دن اؤنجه
ایلک دؤرد یول آیریجیندا.
یارانمامیشدی
الوداع سؤزجویو اوندا.
تسللی اولسون دئیه
طالع‌له باریشدیم من
یانلیش آدرس‌لره یوللاندیم
شیفره‌لی قاپی‌لاری چالدیم.
زامان دایانمیشدی
من شعیر یازیردیم
و مین بیر آجینی چکمه‌یه
قافیه آختاریردیم
حیات آدلی ردیف‌سیز شعیریمه
و سنین گلیشینی
بیر اومو ائده‌رکن
اوره‌ییمدن
گؤزلریمه قدر
هیجا -هیجا یالواریردیم.

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

دیدگاهتان را بنویسید

نشانی ایمیل شما منتشر نخواهد شد.

موتسوزلوق

حسین مصری
www.ishiq.net

آذربایجان ادبیات و اینجه‌صنعت سایتی

موتسوزلوق

حسین مصری
www.ishiq.net

آذربایجان ادبیات و اینجه‌صنعت سایتی