چئویرن: سحر خیاوی
ترجمه: سحر خیاوی
سحر خیاوی
00:00
00:00

(بوتون عؤمرونون پاییزیندا اولان خانیملارا سونولور)

قادین اوتورموشدو آینا اؤنونده
اؤزوندن گئتمیشدی، اؤزونده دالغین
کئچمیش خاطیره‌لر کئچیر اؤنوندن
مات قالیب اؤزونه، اوزونده دالغین

ال چکیب اوزونون جیزگی‌لرینه
آه چکیب ایچیندن شیون قوپاردی
خیالی بیر لحظه، بیر آن ایچینده
گلین‌لیک، گنج‌لیک چاغا آپاردی

کرمله گیزلتدی جیزگی‌لرینی
دوداغا نار رنگی ماتیکی یاخدی
گؤزونون آلتینا چکیب میدادی
بیرآزجا سئوینجک اوزونه باخدی

نه واختدان سوزوردو قادینی اَری
خانیمین دوشونوب گلدی آرخایا
دئدی: بوش وئر خانیم بو شئی- شویلری
بونلارسیز بنزیرسن جانیمچون «آی»ا

یاشاییش یولونون چال- چوخوروندا
آغاران ساچینین اولوم قوربانی
اوزونده جیزگی‌نین قاداسین آلیم
سنی بگنمیشم هر حالدا یانی

اوزولمه، داریخما، عؤمور ایلینده
هر آنین، هر فصلین، گؤزللیگی وار
خینالی پاییز دا گؤزلدیر گولوم
پاییزین باشقا بیر اؤزللیگی وار

داریخما، داریخما، آنا کؤکسونو
حاضیرلا کؤرپه‌جیک نوه‌لی چاغا
گولومسه، گولومسه بوتون عؤمرومو
بیرجه گولوشونه وئریم صاداغا

آنامسان، باجیمسان، هم ده یولداشیم
بوتونجه حیاتیم اؤزونه قوربان
گؤزوندن باشلاندی عؤمور تقویمیم
آغلاما، یاشارما، گؤزونه قوربان

ساریلدی بوینونا، آلدی قادینی
کیشی قوللارینین چرچیوه‌سینه
قادینین قلبینه دینجلیک گلدی
باشینی دایادی سول سینه‌سینه…

تاپپا‌تاپ ووروردو ایکیجه اوره‌ک
دوداقلار قوووشماق اوچون یانیردی
ناغیلین سونوندا چکیلدی پرده
اولدوز خودون چکیب، آی اوتانیردی

چاپ

2 پاسخ

  1. اونلار، گؤزه ل قادینی «برنو» آدلاندیریردیلار.
    اونلار ، اوجابوی قادینی دا «برنو» آدلاندیریردیلار.
    بیلمیردیلر، قادینی چوخ سئویرلر یوخسا «برنو» وی.
    آنجاق هر بیر کیشی، ایکی«برنو» لو اولماغی سئویردی

    بیر «برنو» چینینده
    بیر «برنو» قوجاغیندا.

    (محمد بهمن _ بیگی)

    علی _ آغ گونئیلی

دیدگاهتان را بنویسید

نشانی ایمیل شما منتشر نخواهد شد.

داریخما خانیم…

سحر خیاوی
www.ishiq.net

آذربایجان ادبیات و اینجه‌صنعت سایتی

داریخما خانیم…

سحر خیاوی
www.ishiq.net

آذربایجان ادبیات و اینجه‌صنعت سایتی

داریخما خانیم…

سحر خیاوی
www.ishiq.net

آذربایجان ادبیات و اینجه‌صنعت سایتی