ده‌یمه‌یین منیم کیتابلاریما
یارالارین باغلامالییام اونلارین.
من دونن بوردا درس اوخویوردوم
کیم اوغورلاییب مکتبیمی؟
آقا! خانیم!
سیز او مکتبی گؤرموشدونوز؟
حیطینده قیزلار اوینایاردی
یادینیزدامی؟
افغانستانین گؤز یاشی هارالی‌دیر گؤره سن؟
من چیچه‌یم
مینا دوزوب مین چیچک ائله‌مه‌یین منی
الف بئی‌لریمین گؤزو یولدادیر.
دونن قاراباغین بئشییینه
بوگون غزه‌نین شهید گلینجیک‌لرینه
بخش ائله‌دییینیز پارتلاییش‌لار
مکتبیمی سوووران بومبالارین سویداشی‌دیر.
بیر نفر بو یول کسن‌لره دئسین کی
آدیم یاماقسیزلیغیندا سئومه‌لی‌دیر
حیاتین دا بورجو چوخدور منه
ال اوزاتمایین بوشقابیما.
