بیر جوت قوش یوواسی…
چئویرن: مهرداد فخری
ترجمه: مهرداد فخری
مهرداد فخری
00:00
00:00

قارا تیکان کولودور گؤزلریم
بیر جوت قوش یوواسی وار گؤزلریمده
سئوگی قوشلارین یوواسی
ترپه‌شیرلر
بویلانیرلار سحر-آخشام…
اوچماغا قانادلاری یوخ،
اوخوماغا دوداقلاری…
کیرپیکلرین حصاریندا ساخلانمیش سیسقا قوشلار،
گؤز یاشلاریندا اوزورلر
کدر بولاغیندا
درد تئللرینی دنله‌ییب،
سو ایچیرلر آیریلیق گؤللریندن…

آیاقلارینی باغلاییب
گؤزلرینی تیکمیشم
اوچوش،
اؤلوم آداسی‌دیر اونلارا
و کول اولماقدیر اوخوماق
دارتیشماسینلار دئیه
قارا گیله یئدیردیرم اونلارا هر گون…

بیر کدر قوشو وار اوره‌ییمین پنجره‌سینده
سوسوب،
داها اوخومور…

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

بیر جوت قوش یوواسی…

مهرداد فخری
www.ishiq.net

آذربایجان ادبیات و اینجه‌صنعت سایتی