ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

یاغیش…
مهرداد فخری‎

سوکوتوملا دانیشیرام یاغیش‌لا
نه گؤزه‌لدیر دانیشیغی یاغیشین
کوسدورنده یئر اوزونو، سازاق – قیش
چیچک‌لنیر باریشیغی یاغیشین
دومان یئنیب دره لره چاتاندا
سئیره چیخیر یاراشیغی یاغیشین
شیمشک چاخیر، سئل گوجله‌نیر تورپاغا
حیات وئریر قاریشیغی یاغیشین
بولاقلارین آیناسیندا جانلانیر
پرده – پرده آی ایشیغی یاغیشین
قایالاری یوسونلاییب یویاندا
یاشیل دون‌دور دوروشوغو یاغیشین
یارپاقلارا، آغاجلارا ، مئشه‌یه
جان تؤره‌دیر سارماشیغی یاغیشین
ماوی گؤیه، آغ بولوتا، گونشه
گلین گلیر گؤی قورشاغی یاغیشین
پیچیلداشیر بولاق منه، شئه منه
ابدی دیر سیرداشلیغی یاغیشین
باهار- 1385