چئویرن: سخاوت عزتی (عندلیب)
ترجمه: سخاوت عزتی (عندلیب)
سخاوت عزتی (عندلیب)

 
من اوردا بیر گؤزل توی ائیلمیشدیم
سخاوت عزتی ( عندلیب)

 هله یادیمدادیر او شیرین آنلار

من اوردا بیر گؤزل توی ائیلمیشدیم

آی منی دویانلار، منی آنانلار

من اوردا بیر گؤزل توی ائیلمیشدیم

***

بیر حَیَط واریدی باغچالی،‌باغلی

باغیندا گیلاسلار، قارالی آغلی

بیر اوتاق واریدی طاغچالی،‌طاغلی

من اوردا بیر گؤزل توی ائیلمیشدیم

***

پوزولوب رونقی، دییشیب حالی

قاریشیب توپراغا جاهی، جلالی

او دؤشده بیر کندوار یاسلی، یارالی

من اوردا بیر گؤزل توی ائیلمیشدیم

***

دونیانین خئیرینی شررینی آتیب

ایللر یورغونوایدی ییخیلیب یاتیب

اوردا بیر تایار کند یئریندن باتیب

من اوردا بیر گؤزل توی ائیلمیشدیم

***

اوردا آنالار وار ساچینی یولار

باجی وار نیسگیلی ابدی قالار

هاردادی خوراموو هانی مولالار

من اوردا بیر گؤزل توی ائیلمیشدیم

***

« عندلیب» سؤزومون ازلی مزرعه

هر سؤزو صؤحبتی مزه لی مزرعه

هانی گؤزللرین گؤزلی مزرعه

من اوردا بیر گؤزل توی ائیلمیشدیم

 

چاپ

2 پاسخ

  1. سالاملار قارداشیم اللرینی سیخیرام…

    (آذربایجان آغلادی)
    سیغینمیشدیق قوجاغینا
    یشادیردی داغلار بیزی.
    بیر دهشتین فلاکتین
    آجیلاری داغلار بیزی.
    سیلکه لندی آللاه آمان
    اهر هریسله ورزیقان
    یاساباتدی آذربایجان
    یاندیردی بو داغلار بیزی
    قویدو گؤزو آغلار بیزی.
    فلک بیزه داشین آتدی
    نئچه عمرون سونو چاتدی
    آنا بلا قانا باتدی
    یاندیردی بو داغلار بیزی
    قویدو گؤزو آغلار بیزی
    (موغان اوغلو)قان آغلادی
    اورک یاندی جان آغلادی
    بیر آذربایجان آغلادی
    یاندیردی بو داغلار بیزی
    قویدو گؤزو آغلار بیزی…
    Siğinmişdiq qucağina-
    Yaşadirdi dağlar bizi.
    Bir dəhşətin fəlakətin-
    Acilari dağlar bizi.

    Sikələndi allah aman-
    əhər herislə vərziqan-
    yasa batdi azərbayca-
    Yandirdi bu dağlar bizi.
    Qoydu gözu ağlar bizi.

    Fələk bizə daşin atdi.
    Neçə ömrun sonu çatdi.
    Ana bala qana batdi.
    Yandirdi bu dağlar bizi-
    Qoydu gözu ağlar bizi.

    (muğan oğlu)qan ağladi.
    Ürək yandi can ağladi.
    Bir azərbaycan ağladi.
    Yandirdi bu dağlar bizi.
    Qoydu gözu ağlar bizi…
    Allah şəhidlərimizə rəhmət eləsin azərbaycan başin sağolsun

  2. دوغرودان دا او داغیلان کندلرده ائله نیسگیللر واردیر کی ابدی قالمالی دیر.۲۵ سوووشسا دا من هله ده بو آغری- آجی نین و بو نیسگیللرین چرچیوه سیندن چیخا بیلمیرم. آنا – باجیلاریمیزین ساچ یولماسی، اوخشاماسی، گؤزلرینده پاریلدایان غم قیغیلجیملاری منی بیر آن راحات بوراخمیر. آغلاماق ایسته ییرم خاطیره لریمین یئتیم لییینه. ساغ اولسون حؤرمتلی شاعیر عندلیب جنابلاری…

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من اوردا بیر گؤزل توی ائیلمیشدیم/ سخاوت عزتی (عندلیب)

سخاوت عزتی (عندلیب)
www.ishiq.net

آذربایجان ادبیات و اینجه‌صنعت سایتی

من اوردا بیر گؤزل توی ائیلمیشدیم/ سخاوت عزتی (عندلیب)

سخاوت عزتی (عندلیب)
www.ishiq.net

آذربایجان ادبیات و اینجه‌صنعت سایتی

من اوردا بیر گؤزل توی ائیلمیشدیم/ سخاوت عزتی (عندلیب)

سخاوت عزتی (عندلیب)
www.ishiq.net

آذربایجان ادبیات و اینجه‌صنعت سایتی