ایچیمده هئچ بیر ساکینلیک یارانمادان،
منده ایکی شعر یازیلدی
ایکی شعر یازدیم،
«سئوگی»‌دن
ایکی تسلیم سیمگه‌سی کیمی اولان
ال‌لرینین یئلکن‌لریندن،
و «بیرلیک»دن
اولمایان کؤی دوغوملو بیریندن
دانیشدیم،
منه باشقا بیر شعر لازیم
بیلمه‌دیغیم بیر شعر،
کهنه تورپاقلارین آلتینداکی نم کیمی
منده ساکینلیگی
اویاندیران
بیر شعر،
من هئچ بیر زامان شعر یاراتمادیم
من اؤزوم، شعر اولدوم بعضن
اؤزومو یازدیم،
منده آغاجلار سؤز ایدی
بولاقلار سؤز ایدی
اولدوزلار سؤز ایدی
و منیم شعریم
بولاقلارین داشماسی
اولدوزلار و آغاجلارین چارپیشماسی ایدی،
بوشونا آنلاتماغینا چالیشدیغیم بیر شئی
باجاقلاری یاش بیر مارال
اوتلارین اوزرینه اوتورموش شه
سرین یئل‌لر
اوتلاما دوزو
آستا
آستا
شه دامجیلاری‌نین مارال‌لارین کئچدیکلری یولا داشلانماسی
و بو قدر شئی
یئنه ده منه یئترلی دئییل
آغلاماق ایسته‌ییرم!