۱٫
ﺧﯿﺎﻟﯿﻨﯽ ﮔﺆﺗﻮﺭ
آچمادیغیمیز قاپینی
آچیپ٬کئچ
ﻣﻦ ﺑﯿﺮ ﮐﺎﺳﺎ ﺳﻮﺍﯾﻠﻪ
ﺁﺭﺧﺎﻧﺠﺎ سپیلهﺟﻪﯾﻢ.
ﺷﻬﺮ -ﺷﻬﺮ
ﮐﺆﻟﮕﻪﻭﯼ ﺳﺮﯾﻨﻠﻪﺩﯾﺐ
ﺳﺮﮔﺮﺩﺍﻥ
ﺍﻭﺯﺍﻕ ﮔﺆﯾﻠﺮﻩ ﺳﺎﺭﯾﻼﺟﺎﻏﺎﻡ.
ﯾﺎﻏﯿﺸﺎ ﺩﺅﻧﺪﻭﯾﻮﻣﺪﻩ٬
ﺩﺅﻧﻪ ﺟﮑﺴﻦ؛…
ﻭ ﻣﻦ ﭼﮕﯿﻨﻠﺮﯾﻮین ﺷﻮﻭﻗﻮﻧﺎ
ﯾﺌﻨﻪ ﻗﺎﺩﯾﻦ ﺍﻭﻻﺟﺎﻏﺎﻡ.
۲٫
گؤنش چیخیب
گؤی ماوی کؤینه‌یینی گئیینیب
هرنه ایستی، یاخشی و گؤزلری‌نین رنگینه یاخیندیر
شمال غربدن اسن یئل
سسینین دادیندان باشقا
هئچ بیر غریبین های- هویون
گتیرمه‌ییر
دونیا او ایللرین اردیبهشت آیی‌نین ایلک سحرینه بنزه‌ییر
یئر اینانیب کی
عرش اعلی
سنین کپنک‌لره ساری باخیشی‌نین
ایکی یاریمچیق دربچه‌سی‌دیر
موو آغاجی زوغلارینین ایی
تانری‌نین خیالیندا دولاشیب
الینی دفترینه آپاریب/اوگونگی باخیشلاریمیزا تای بیر ناخیشی
روزگارین سیماسیندا ترسیم ائدیب
نهایت،
سوکوتون صبری ده توکه‌نه‌جک، سئوگیلیم؛
و بو قدر سؤز
بایراما قالمیش گونلره غسل وئره‌ن
بولودون اته‌گینی توتاجاق.
۳٫
شعر دئمک اوچون
سسینی دویمام لازیم
یورغون -آرغین
بوتون دونیادان
گیلئیلنیرسن
سیگارینی یاندیریرسان
گؤزگودن یان گزیرسن
و دئییرسن بس
گؤز یاشلارینی
گؤرمه‌ییب کیمسه.
