آذر ائولادی
سليمان ثالت
ديلي حق نيدالي، باشي بلالي
جومرد ايگيدلرين آتاسي‌يام من
د‌ده قورقود کيمي ائللر عاشيغي
بوتون شنليک‌لرين صفاسي‌يام من
ديلي باغلي، سازي سينميش اوزانام
خالقا بوي بويلايـيب، داستان يازانام
اوبا- اوبا، اويماق- اويماق گزه‌نم
دوشونن باشلارين سئوداسي‌‌يام من
گؤزومده قالسادا آرزو موراديم
ظاليم‌لر اؤنونده مظلوم اولماديم
باشدان باشا حماسه‌دير حياتـيم
حاققين عدالتـين فداسي‌يام من
آذر ائولادي‌يام شرفلي، شانلي
شاهلارين ظولموندن گؤز ياشي قانلي
مؤحکم ايراده‌لي، تميز ووجدانلي
اودلار دياري‌‌نين بالاسي‌يام من
سازيم اوخشاياندا يانيق کرمي
ناله‌سي يانديرير، ياخير عالمي
اليمده‌دير علعسگرين قلمي
محروم کوتله‌لرين صداسي‌يام من
یک پاسخ
yashasin suleyman salis haminizin elleriniz agrimasin