نئیلیرم/ علیایی
اؤز آییم، اؤز اولدوزوم وار اؤزگه ماهی نئیلیرم
وار ساری‌تئل دلبریم، زولف سیاهی نئیلیرم
ناز باخیشلار کؤنلومو یوز دفعه مفتون ائیله‌ییب
بیر دؤنوب باخسا یاریم اؤزگه نگاهی نئیلیرم
ائل یولوندا چاشمارام، آیری طریق آختارمارام
من غریبه مسلکی، بیگانه راهی نئیلیرم
داغ تکین سؤیکنمه‌یه شانلی ائلیم واردیر منیم
اؤزگه‌لردن تکیه‌نی، پشت و پناهی نئیلیرم
بیر هارای وورسام جوشار سئل‌لر کیمی قوچ بابکیم
خائن افشین‌لر سایاقدا دادخواهی نئیلیرم
“علیا” نازلی سئوگیلیم شاهیددی عشق پاکیمه
عشقیمین اثباتینه آیری گواهی نئیلیرم.
یک پاسخ
اللرینه ساغلیق