قیسا شعیرلر
حسین مصری
(۱)
سنسیزلیک
ببرکندیر اولوب
بوغازیمیزدان آسیلدی.
هارادا باغیردیق سنی
دار آغاجی
بیتدی اوردا.
(۲)
منی قورخودان
اؤلوم دئییل
قورخورام پئشمان اولا
گلمیه.
(۳)
یومدوم
گؤزلریمی داها
بو یوللارا باخاسی دئییلم من
بو یوللاردان
داها آجیغیم گلیر
بو یوللار سنی گتیرن دئییل.
(۴)
سونونجو یارپاغین دوشمه‌سی
آنلاتدی منه:
شاختا -بوران
یولدادیر هله.
(۵)
نه قیشیم
قیش اولدو منیم
نه ده یازیم یاز
گل اؤز الینله سن
بختیمی قارا یاز.
(۶)
آغلاماق
حیات مسله‌ییم منیم
گلنده
بیرفینجان گولوش گتیر
چایا چیخیم باری.
(۷)
هچ اینانمازدیم
اللرین بوقدر
سویوق اولار.
چک الینی اللریمدن
اوره‌ییم دونار ایندی.
یک پاسخ
یاشایین سایین شاعیر