اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

pasha muganli
قیسا شعرلر
پاشا موغانلی

(۱)
بو پاپاق
بو سن
بودا من!
گل دوز اولاق بو گوندن.
سن الیندن یاپیش
من اوره‌ییمدن…

(۲)
مثل دیر
“بیر اوره‌ک، مین آرزی”
آمما منده وار
بیر اوره‌ک
بیر دیلک!
گل ایکیمیز بیرلشک
بوی آت منده
بوی آت دوستوم
بویات دوستوم…

(۳)
قیزمایاجاق او یاتاق!
سن
ایسته‌مه‌دین بوی آتاق…!
داها خوشدور
حایات سنسیز
ها
یات منسیز…

(۴)
بو سونسوز حایاتدا
اؤلومدن یوخ
دؤنومدن قورخورام!
گل یاپیش الیمدن
بیر
ایکی
اوچ
اوچ
اوچ منیمله؛
اوچ
ایکی
بیر
بیتدی حیات…

(۵)
درین سوکوتا باتمیش
قارانلیق اوتاقدا
ساغیش چکدیکیمیز گونه یئتدیک…
سَس‌سیز سویوندوق؛
بیتیردیک !
من عسگرلیی
سن بیرلیگی…

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *