شعرلر
یعقوب نامی
(۱)
ال بیر اولدولار کئچمیشیمله صاباحیم
آنی لاریله آلداتدی دوننیم
وعده‌لرینده یوخلاتدی، گله‌جک
گؤزومو آچاندا
بو گونوم ده کئچمیشدی…
(۲)
یوللارینی گؤزله‌دیم یوخونون
گلمه‌دی.
فورتارماقچین الده قاییریلمیش ساختا یوخولاردان
منه بیر ایچیم یوخو لازیم
بوراخماقچین هر نه کی وار آرخادا
منه بیر ایچیم یوخو لازیم
سئومیرم داها ایندی‌لرین حسرتینی داشیماغا صاباحا
سونو بللی اولمایان بیر گله‌جه‌یه.
بیر ایچیم یوخو منه
ایندی با…لاپ ایندی بئله.
(۳)
بئله گئتسه…
قورتاریشیمیزدا
دوشونولمه‌یه‌جک باشلانیشیمیز تک
نه گلن ده
نه گئدن ده
بیر چیمدیک دویغو
بیر اووج سئوگی
بیرقورتوم سو اولدو
باتدی یئرین تکینه
هئچ نه قالمادی گووه‌نیلمک اوچون
آخ…
اللرینین حرارتی
بیرده اوخشایا بیلسئیدی ایه‌ر…
