چئویرن: ایشیق
ترجمه: ایشیق
ایشیق
00:00
00:00

غزل
مقصود تقی زاده هریس (نیسگیل)

آغ اؤرپه یین سویونور داغ، یاشیل باهار گؤیه‌ریر

سینمده داغ چوخالیر، ساچلاریمدا قار گؤیه‌ریر

قیروولو پنجره‌مه قونمامیش قارانقوشلار

مینم گؤزومده سیم اوستونده قارغالار گؤیه‌ریر

خیالیما دولاشیرکن اوزون- اوزون یوللار

باخیشلاریمدا درین کؤکلو انتظار گؤیه‌ریر

یاشیل دیلک‌لره دوغرو ایمکله‌ییرسه اوره‌ک

تیکان- تیکان یئنه دؤرد چئوره‌ده حاصار گؤیه‌ریر

توزا دؤنور خیاوانلار، خیاللاشیر کوچه‌لر

هارا باخیر گؤزوم ائو یوخ، سویوق مزار گؤیه‌ریر

یاخینلاشیر دئیه‌سن دورنالارلا کؤچمه‌ییمه

داریخما چوخ اوره‌ییم گؤیده بیر قاتار گؤیه‌ریر…

۱۳/۱/۱۳۹۱

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد.

غزل/ مقصود تقی زاده هریس (نیسگیل)

ایشیق
www.ishiq.net

آذربایجان ادبیات و اینجه‌صنعت سایتی

غزل/ مقصود تقی زاده هریس (نیسگیل)

ایشیق
www.ishiq.net

آذربایجان ادبیات و اینجه‌صنعت سایتی

غزل/ مقصود تقی زاده هریس (نیسگیل)

ایشیق
www.ishiq.net

آذربایجان ادبیات و اینجه‌صنعت سایتی