هیجران قوشو / احمد درگاهی
چئویرن: ایشیق
ترجمه: ایشیق
ایشیق
00:00
00:00

dargahi
هیجران قوشو
احمد درگاهی

بیر هیجران قوشودور، نه دیر بو اوچاق
باغــریما چنگ آتیب، دیدیـر بو اوچاق
کؤنلـومو قـــوپاریب، گئـــدیر بو اوچاق
قالخیرسا سؤنه‌جک اومـود اوجاغی
نـــه اولار دوردورون قالخـــان اوچاغی!

سئوگیمی الیــمدن آلیـب آپــاریـــر
باشیمــا گـورولتـــو سالیـب آپــاریــر
آیریلیق نغمــه‌سین چالیب آپــاریــر
گئتسه اؤلــدوره‌جـک منی فــراغی
نـــه اولار دوردورون قالخـان اوچاغی!

نیشان اوزوگـونــو تاخمــادی گئتدی
سویوموز بیــر یئـره آخمـادی گئتدی
دؤنــوب آرخاسینا باخمـادی گئتـدی
کیم‌لــردن دوتارام سئوگی سوراغی
نـــه اولار دوردورون قالخـــان اوچاغی

هــاوا لیمانینــــدا قالـــدیم سرگردان
یئتیشه بیلمه‌دیم، تئـز گئچدی زامان
«درگاهی» گؤز یاشیم دورمادی بیرآن
آرتیق قـــان تؤکه‌جک گــؤزلر بولاغی
نـــه اولار دوردورون قالخـــان اوچاغی!

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

هیجران قوشو / احمد درگاهی

ایشیق
www.ishiq.net

آذربایجان ادبیات و اینجه‌صنعت سایتی