یاغیشلی گونلر
بهروز ایمانی

سنینله چوخ دولاناردیق یاغیشلی گونلرده
قاچیب دوروب دایاناردیق یاغیشلی گونلرده
سئوینجیمیز قاریشیب یارپاغین گولوشلرینه
کؤنوللره جالاناردیق یاغیشلی گونلرده
ییغاردیق اووجوموزا یاغمورون‌دا داملالارین
بونونلا چوخ قازاناردیق یاغیشلی گونلرده
اونون سسیله اویاردیق اوشاقلیق ایللرده
گوله-گوله اویاناردیق یاغیشلی گونلرده
دومانلی آنلاریمیز شن اؤتردی ایللریمیز
گزیب-گزیب دولاناردیق یاغیشلی گونلرده
۱۳۹۲-۸-۱۹