۸ مارت؛ دونیا قادین گونو موبارک
من‌له اوره‌ییم
سوسن نواده رضی
من‌له اوره‌ییم
باش گؤتوروب سنه گلمه‌دیک‌می؟
الیم اته‌یینه
دلی کؤنوللولردن غافیل اولما آغا!
سن اولمازسان،
نه گولده گوللوک
نه چمنده یاشیللیق قالار؛
سن سایمازسان
نه منده منلیک
نه منلیگیمده آیدینلیق قالار؛
توتولموش گؤیلر
اوره‌ییمده شاخار بوتون ایلدیریملیغینی،
یئتیم یئتیم آچیب یومارام سنسیزلیگیمین قانادلارینی؛
هر ناغیلین سونوندا سن
هر شئعیرین شاه بئیتینده سن اولسان
یاشاماغا ده‌یر آجیلار؛
دلی کونوللولردن غافیل اولما آغا!
بو سحر، استجابتین عطری دولوب اوره‌ییمه…
یک پاسخ
سوسن خانم
سلاملار. سیزین یازیلاریز ان دئیرلی دیر.
من چوخ فایدالاندیم.
ساغولون.
امیری- هارای نیوز