ekiz tayi
“اَکیز تایی”نین تورشمزه‌لری –
7
آرتیق‌تاماه عرب‌لر، یوخسا ایکینجی باهار!

هئچ‌ده سورپرایز بیر خبر دئییلدی. اما خبری ائشیتدیییمده بو جمله یادیما دوشدو: “دئییرلر اینقلاب اؤز بالالارین یئییرمیش”! نه بیلیم بلکه‌ده باهارین خاصیتی بئله‌دیر. بعضن جوجردیب، چیچکلنمه‌میش دولو یاغدیرار.

خبرلری سایت‌لاردا اوخودوغومدا دوشونورم کی تحریر میدانی یئنی‌ بیر باهارا یئریکله‌ییرمیش. آنجاق بو دؤنه هانسی سیاست‌دن بویلو قالیب، ماراغیمی چکیر. خبرلره گؤز گزدیریرم:

– محمد مرسی‌نین طرفدارلاری دونن گئجه کی میلیتاریستی حرکتی کودتا آدلاندیریرلار.

– بان‌کی‌مون تحریر میدانین آرامیشه دعوت ائدیر.

– اوباما کودتا سؤزونو دیلینین اوجوندا اونودور.

– مصر ارتشی عدلی منصوری موقت پریزیدنت مقامینا چاتدیریر.

منیم ده دوشونجه‌م دینج دورمور. آز قالیرام خورتدان‌لارین طرفیندن تحریر میدانینا خطاب بیر بیانیه یازیم. باهارا وورغون عرب‌لره دئییم:

– دموکراسینی گلین بیزدن اؤیره‌نین! باخین، گؤرون نئجه گؤزل- گؤزل، اؤلوم- ایتیم‌سیز، سس‌سیز- سمیرسیز الیمیزده کلید، باغلی قاپی‌لاری آچماغا قیفیل آختاریریق!!!

92.12.13

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4