چئویرن: قنبر سیفی
ترجمه: قنبر سیفی
قنبر سیفی

سؤیله‌ین: مشدی زینال (۷۰ یاشیندا- حیدرکانلی کندیندن)

بیری وار ایدی، بیری یوخ ایدی. آللاهدان سووای هئچ کیم یوخ ایدی. کی بیر ار و آرواد بیر ویلایتده یاشاییردیلار . بو کیشی چوخ زحمتکش, تلاشلی و اوره‌یی تونوک بیر آدام ایدی. آروادینی دا چوخ – چوخ ایستیردی. آرواد کیشیسینی چوخ ایسته‌میردی و آدیدا سرینه‌ایدی. بو آرواد او قدر بو کیشیه کنایه ویریردی کی دئییردی سنین عاغلین یوخدو، بیر شئی بیلمیرسن و او قدر بو کیشییه دئیینیردی کی بو کیشی بیلدیینی ده الدن وئرمیشدی و قوجالیردی و دیشلرینی ده یاش-  یاش الدن وئریردی.

بیرگون کیشی گئتمیشدی یئرلرین اکسین. چوخ یورغون ایدی. آخشام چاغی چؤلدن گلدی ائوه. بو آرواد بیر آز قورو چؤره‌ک گتیردی قویدو بونون قاباغینا. اما بو کیشی چوخ عصبانی اولدی دئدی آی بی مروت من بیر بئله ایشله‌ییرم و دیشم ده یوخدو، آخی من بو قورو چؤره‌یی نه تهری یئییم.؟ منیم اکدیگیم- بیچدیگیم چوخ یاخشی بوغدادیر بو چؤره‌یی ائله بیل قره‌جه‌دن پیشیرمیسن. چوخدا قره و برکدی. او واخت آرواد دئییر اصلا سن دانیشما. خوشوم گلمیر. کیشی چوخ عصبانی اولور ایستیر کی آروادینی دؤیسون. آرواد دئیر کی منیم گوناهیم دئییل کی چؤره‌گیمیز بئله اولور و اینک‌لریمیزین سودی خراب اولور. سنین باجین بغداددا بیزیم ائویمیزین بره‌کتین قاچیردیبدی. کیشی عصبانی اولور بیر آز یول آذوقه‌سی گؤتورور یوللانیر بغدادا. بیر آی- ایکی آی طول چکیر یئتیشیر باجیسینا. خبر آپاریرلار کی موشتولوق وئر نئچه ایلردن سونرا قارداشین گلیر سنی گؤره. کیشی‌نین باجیسی چوخ خوشحال اولور، دورور گئدیر قارداشینین پیشوازینا. تا کی یئتیشیر قارداشینا. قارداشی  بونو سالیر آغاجین آلتینا کی سن او ایشی نییه گؤروبسن کی منیم ائویمین برکتی قاچسین! باجیسی آغلایا آغلایا سوروشورکی آی قارداش باشیوا دولانیم آخی منیم گوناهیم ندیر؟ دئییر سنه دئدیم کی او ایشی نییه گؤرمیسن منیم ائویمین برکتی و اینک‌لریمیزین سودو خراب اولوبدی. جاماحات ییغیشیر و اوضاعنی گؤرور. اما کیشینین باجیسی چوخ هوشیار ایدی. دئییر قارداش بو سؤزی سنه کیم دئییر؟ دئییر منیم آروادیم. دئییر:یورولوبسان کئچ گئدک ائوه اوردا دانیشاق. گلیرلر ائوه.

 بو کیشینین باجیسی اولان محله ده بیر دوعا یازان وار ایدی, گئجه اونی ائولرینه چاغیریر حال قضیه‌نی بونا دئییر. بو درویش دئییر آی کیشی سنین آروادین سنه کلک ویریبدی. سنین آروادینین اویناشی واردیر. سنین ائوینین برکتی یئرینده‌دیر و اینک‌لرینده سودی خراب دئییل. او اونلاری اؤزو اویناشیلن یئییر، سنه ده آرتیق قیر-مقیردی دان وئریر کی مریضله‌ییپ اؤله‌سن.

کیشی بیرآز فیکیرله شیر دئییر من بس نه ائله‌ییم؟. منه بیر یول گؤستر. بو درویش کیشی بونا دئییرکی من سنه بیر دوعا یازارام و سنه بیرده چئپیش وئرم او چئپیشین آدی حاخ چئپیشیم و حوخ چئپیشیم دی. بو چئپیش ده چوخلو حیکمت واردی. سن بو چئپیشدن هرنه ایسته‌سن اولار. قضیه ده قورتاراندا گؤررسن چئپیشده دوشدو یولا گلدی.

کیشی بیر ایکی گوندن سونرا باجیسیندان قدردانیق ائلر گویلون آلار. درویشدن ده تشکور ائدر، باربندلین جمع‌لر، چئپیشیده گؤتورر دوشر یولا. اوز ولایتینه طرف یوللانیر، گلیر یولدا چوخ آجییر، اوتورور دئییر حاخ چپیشیم حوخ چپیشیم منه بیر دست یاخچی لباس باشماق پاپاخ و بیر دست آروادیما لباس باشماخ و بارماق اوزویو و بیردادا آجمیشام یاغچی بیر قوزولو پیلاو اول چئپیشیم. کیشی گوردو بلی  بیر سوفرا آچیلدی بو ایسته‌دیگی طعام و وسایل‌لار و لباسلار یون به یونلن حاضیر آمادا اولدو. کیشی اولده بیرشوکر ائلر و خوشحال اولور قوزولو پیلاودا یئیر وسایل‌لاری دا گؤتورور یولا دوشنده گؤرور چپیشده هوپبیلدی یولا دوشدی بونین یانینا. داها کیشی مطمئن اولدی کی ایش ده حوققا یوخدو. شاد خورامان گلدی بیر موددتدن سونرا یئتیشدی ائوینه. آروادا چوخلی ساوقات گتیرمیشدی پالتاردان قیزیلدان باشماقدان…….

آروادا دئییر آی آرواد سن دوز دئییرسن من گئتدیم باجیمی دا اؤلدوردوم برکت قاییتدی ائوه. ایندی بیر چئپیش آلیپ گئتیرمیشم داها سن زحمته دوشمیئسن هرنه یئماق ایچماق ایسته‌سک حاضیر اولاجاق. داها هئچ غم و غصه اولمییاجاق. بیر نئچه دفعه ده امتحان ائدرلر حاضیر اولار یئمک و ایچمک, اما بیرگون کیشی گئدیر ائشیگه زمی‌لرینه باغینا باش ویرسین او واخت بو آروادین اویناشی دئییر واختی کی سن دوز دئیرسن ناهار چاغیدی بو چئپیشدن بیر یاغچی شوربا و ایستی چؤره‌ک ایسته، ویراخ بیر گئینه. آرواد دئییر حاخ چئپیشیم حوخ چئپیشیم بیر یاغچی شوربا و ایستی چؤره‌ک اول چئپیشیم. او زامان چئپیش مسخره حالتینده دئییر یه یه ائلمه. آرواد عصبانی اولور. چئپیشه بیر اوخلاو ویریر, اوخلاو پاپیشیر چئپیشه, آرواددا اوخلاوا. آروادین اویناشی توللانیر آروادی قوجاقلاییرکی چئکسین چئپیشدن آرالاسین, اویناشدا یاپیشیر آروادا.

او زامان آروادین قونشو آروادی باشینی یویوردی. قیزین یوللور بو آروادا کی بیر یومورتا وئرسین باشیمی یویورام. قیز گئدیر صحنه‌نی گؤرور. آرواد دئییر آی قیز تئز اول بو کیشینی چک دالیا, تا قیز گلیر کیشینی دالدان قوجاقلیر. قیزدا یاپیشیر کیشیه. او زامان قونشو آروادی کی قیز یوللامیشدی کی گلسین ایکی دانا یومورتا آلسین، قیز یوبانمیشدی آرواد یاپیشدی قیزینا. قضادان همان زمان بیر درویش قاپیلاردان کؤمک‌لیک ییغیردی کی ماجرانی گؤرور کی بوردا بیر نئچه نفر یاپیشیبدی بیر- بیرینه. اما آخیرداکی بیرگؤزه‌ل خانیم باشی آچیق و بدنی ده آغ -آپباغ ائله بیر مایادی. بو طرفه باخیر او طرفه باخیر گؤرورکی بیرکس یوخدی. گلیر آروادی قوجاقلیر کی بدنیندن بیر اؤپوش گؤتورسین, اما درویشین آغزی یاپیشیر آروادین بدنینه.

 اما سیزه کیمنن دئییم ائو ییئه‌سی ایشدن گلیر ائوه, ماجرانی گؤرور, چوخ آراملیقلا الینی اوزونو یویور, چاریقلارینی چیخاردیر, بیر آز استراحت ائدیر. سونرا دورور دهره‌نی گؤتورور دئییر حاخ چئپیشیم گوناهسیزلاری آت, گوناهلیلاری توت. چئپیشیم چئپیش هامینی بوشلور, اما آروادی و اویناشی ساخلیر. درویش, قیز, قونشی آروادی قاچیرلار و اما کیشی بوردا دهره‌نی چئکیر آروادی اویناشی قول – بود دوغراییر و اؤلدورور. وسایلینی گؤتورور دئییر حاخ چئپیشیم و حوخ چئپیشیم منی بغدادا قوی چئپیشیم. بیر آزدان سونرا کیشی گؤزونو آچیر گؤرور بغداددا دیر.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

حاخ چپیشیم، حوخ چپشیم

قنبر سیفی
www.ishiq.net

آذربایجان ادبیات و اینجه‌صنعت سایتی

حاخ چپیشیم، حوخ چپشیم

قنبر سیفی
www.ishiq.net

آذربایجان ادبیات و اینجه‌صنعت سایتی

حاخ چپیشیم، حوخ چپشیم

قنبر سیفی
www.ishiq.net

آذربایجان ادبیات و اینجه‌صنعت سایتی