ایپک توخونمادی اویناق تئلدن
آنا سئوگیسیندن یوموشالمیش ساچ
یاندی.
سئوگی قوخولو هؤروکلری آختاردیق،
کسیلمیشدی؛
بیچیلمیشدی اوزون تئللر
آه،
نهلر گؤروب یاشادیق، نهلر!
هؤروکلری
گئچی بوخاغیندان تاپدیق،
شَن تئللَر
جوجرمیشدی چؤپلوکلرده،
تومار یئرینه
توپورجکلنمیشدی هؤروکلر، دوغرانمیشدی…
کؤپَک باغلانمیشدی تئل اوجوندا.
ائوه دؤندوک:
سکوتوموزدا اوخویوردو ساچلاریندا گیزلنمیش سئرچه
تئل-تئل باغلانیردیق
سسسیز سئوینجه…
