بوتون شههر یوخودادیر
پرده لر، پنجرهلر ده بئله؛
یالنیز
ساعاتین آیاق سسلری ائشیدیلیر-
زامانین پیللهکنلریندن،
بیرده
گئجهنین اورهییندن دامان سو دامجیلاری.
منیم گؤزوم
سحره قدهر اضطراب ماهنیسین چالیر،
اورهییمی یئریندن اوینادیر،
بئینیمله دئییشمه باشلاییر:
گؤرهسن
صاباح هانسی گؤیرچین بالالاری ایله وداعلاشاجاق؟!
گؤرهسن
صاباح هانسی یووانین دامی قانادسیز قالاجاق؟!
گؤرهسن
قوشلار یووالاریندان چیخاجاق سحر،
دیمدیکلریندن آخاجاق نغمهلر؟!
گؤرهسن
گؤرهسن…!
بهمن ۱۴۰۳
سوسن امینی
چئویرن: سوسن امینی
ترجمه: سوسن امینی
سسلندیرن: سوسن امینی
- شعر
- اوخوماق زامانی: < 1 دقیقه
- https://ishiq.net/?p=38220
چاپ
