های های! قوجا دونیا دییه‌سن باش گؤزو قالدی
بیلمم نه اوچون عهدیده یالنیز سؤزو قالدی
یوزلر سنه اولموش منیله هریانی گزمیش
البت خیالی! آند ایچه‌لی یان اؤزو قالدی
بیر گون آخیناردی اوجا یارغانلارین اوسته
قصد اولدو بوغولدو سویونا آغ دوزو قالدی
بیر بوللو سورو ایچره قویون دوغدوغو یئرده
بیر بیر اولاشان اولدو قویونلار قوزو قالدی
قلبیر الک آلدیم سازاق اسدیکجه ساویردیم
مینلر یالانا جیلله‌میش‌ان بیر دوزو قالدی