زامان ‌ایکی باشلی سولوک، قوروموش گؤوده،
باخیرکن‌ گؤز سورولور
ییرتیجی بیر حیوان
انسان …
تانری یاپ یالقیز
چیخا بیلمه‌دن ‌ییخیلیر دامی!،
یاردیمجی مهریبان بیر کؤپک آدامی!!!
و بیر ساری قانجیق
چیخ قورخونون بوداق‌لارینا…
دیشاری چیخاریرکن قاپادی قاپینی …!
ایتلر زینگیلده‌‌یرک آتیلدیلار کوچه‌یه
قار قاباقجادان بیچیلمیشدی سینه‌سینه قده‌ر سازاق
شئیطانا وورولموش اینامسیز کیشی
یومدو گؤزلرینی تانری گؤرمه‌سین!
و یالاییردی قاپی باجانین جیریغیندان اوزانمیش
یویولمامیش قاب قاجاغی
کولک …
ائوین دؤرد کوشه‌سی‌نده یئل موزیکاسی
اوشاق‌لار سویوغا بورونمه‌سین دئیه باسدیردی
گئجه‌نی بیرر- بیرر
و چیخا بیلمه‌دن ییخیلیردی دامی
آیاق‌لار بوزا یالین
ایت‌لر چیخیب دوشوردولرآدام دیلی بیلمه‌دن،!
دام ایت‌لره گؤره‌ایدی کی،
یاپیشدی ال‌لریندن چکدی بئلینه …
گئجه‌نین ان ایچری‌سینده ناماز قوخوسو!
تانری باخیرکن گولدو …
ایت‌لر راحاتلاشاراق اولاشدیلار گؤی اوزونه ساری
تزک قالاق قارکوله‌یین کوشولتوسونه ایسینمیش
دونماسین دئیه گئجه‌ اوشاق یوخودا تانری!
کئشکه ایت دیلی بیلئیدیم اوردا
اینامسیزلیغین زنجیرینه چکیلمیش …
آتیلدیلار کوچه‌یه ایت‌لر!؟
تلسدی فصیل‌لر …
یئتیشمیش‌لر تؤکولدو چورودو توپراغی
قارا آغی
من
ان قیسا بوداق‌لاردان کال‌لاری دردیم
قویلادیم سامانا یئتیشسین‌‌لر
بلکی قوناق‌لار یئدیلر
دولانیر قاپی- قاپی ال‌لرینده چؤره‌ک قوخوسو
ناخیرچی …
دونیا
گلیش‌لر گئدیش‌لرین
نسنه‌لر شعیرلرین قیداسی
و پئشمانلیق اوردان باشلادی
چورودو توپراغی!
دره – دره
داغی!