شیطان تورو باسیب بور- بوجاغینی
بو کندین هیسینی آلماق اولماییر.
ائله توز باسیبدی گؤیونو کندین
بیرجه گول اینه‌سی سالماق اولماییر.
آغیزدان سؤز آلیب کنده یایانلار
آغزینا سؤز قویوب قاش گؤز سایان‌لار
دوز یول گؤسترنلر یولون جایانلار
کندی کتدن سالیب قالماق اولماییر.
نه آغاسی بللی، نه ده نئییبی
کیمسه پالازلامیر گؤرن عییبی
دایی‌لار، عمی‌لر اولوبلار بیبی
ائلین ییه‌سینی بولماق اولماییر.
اللرین کؤکوندن وفاسی ایتیب
گؤز گؤرن یانقینلیق قاشلاری اوتوب
کدخدا مات قالیب بوغازا یئتیب
نئییب نوکرله ده چالماق اولماییر.
هاوا اؤندمینی ایتیریب کتدده
پیشییه قویروغون بولاییر ایت ده
چوخداندی لوت اسیر بؤیلو شریت ده
«سازاق»سیز یئل‌لره دالماق اولماییر.
