تالان دوشدو دوشونجه‌مه، قاب گتیر!
دردی درده دویونله‌دیم، تاب گتیر!
منلیییمدن ایتن منی تاپ، گتیر!
یئننیشه باخ، یوققوشو گز، دوز آرا!
اینام ایتدی چولاسیندا بو یولون،
قورد گیزله‌نیب هاراسیندا بو یولون؟
اصلان باخیر تولاسیندا بو یولون
آیریجیندا بیر یول چکن گؤز آرا!
جان اوسته‌دی بو یول‌لارین یولچوسو،
آیری دوشوب اولگولری، اؤلچوسو،
گؤز چیخاریر قاش دوزلدن میلچیسی
بیرده دوشون، اللى آرا، یوز آرا!
بو یول‌لارین آرخاسیندان باخان وار،
شیرین دیلله ساختا ماسکا تاخان وار،
گؤز یاشلاری حسرت- حسرت آخان وار،
دؤنگه‌جینده، دؤنه‌مینده ایز آرا!
چوخ دئمیشم جهنمه، گؤرا ها!
معجوزم یوخ ایشیق وئرم کورا ها!
بو یول منی سارسیدا ها، یورا ها!
دمیر چاریق، دمیر چلیک، دیز آرا!
«سئید جلیل» یولون دوشدو تورانا،
شرف پایین ساتیشدادی قیرانا،
کورا ماردی آغی وئریر ایلانا،
اوستول اوسته شیرین وعده، میز آرا!
۹۹/۲/۲۸
