(۱). یول آیریجیندا
ایکی یول وار قارشیدا
گئدیم‌می، قالیم‌می؟!
گئتسم سنی
قالسام اؤزومو
ایتیره‌جه‌یم.
کسیب یوللاریمی
بئینیمده جوشان سورغولار…
نه گئده بیلیرم
نه قالا بیلیرم.
(۲). دنیز اول منه!
هاوا قیزغین
دنیز ساکیت؛
قوش‌لار اوچور ماویلیکده.
من، ایسلانارکن دویغولاریمدا
فیرتینالی اوره‌ییم
سسینی دویماق،
اوزونو گؤرمک
و الینی توتماق اوچون داریخیر.
گل
گلیشینله
دنیز اول منه!
یک پاسخ
عزیز دوستوم حؤرمتلی گولناز خانیم چوخ گؤزل دویغو‌دولو ایکی شئعیر اوخودوم و لذت آلدیم ،اوره گینیزه قلمینیزه ساغلیق 🍂🧡🍂