کیتاب اولدوق؛
پارا-پارا،
پارچا-پارچا
پاراگراف پارتی‌یامیز اولدو بیزیم
آیریلدیق جومله-جومله،
دوغراندیق کلمه-کلمه
کیتابدان کیتابا کؤچدوک،-
کؤچورولدوک؛
سپیلدیک نؤقطه-نؤقطه
حبسه دوشدوک پارانتئزلر ایچینده
«اوچ نؤقطه»یه واردیق آخیر.
آجدیق آغزیمیزى آچدیق،-
جومله‌لرده اونودولموش بیر کلمه‌نین آرمى تک؛
آچیلدیق اورتادان کوچه-بازاردا
کولک بیزى ورقله‌دى
قوشلار بیزى دیمدیکله‌دى
نؤقطه‌لرى دن بیلیب.
