«گؤیجه گؤلو»ندن سورگون گئدن
یاورو قوشلار
هله ده یاسدیغیمین
گؤیلونو توشلار.
یایلیغیمدا بودروین
ساری کپه‌نک‌لر
چرشنبه تونقالی گئییبلر بو گون،
سؤنموش اوجاق داشیندا بیتن
کؤرپه لالا دا
آنامین یادداشینی اسنه‌ییر
یاناق-یاناق.
اوزالت
آیاق یالین اللرینی منه دوغرو
قارانقوش سویلوم!
داریخما!
اورتامیزدا بیر «شوشا»لیق یول وار،
اؤپه‌رم سؤیودلری‌نین یاراسینی
«آغدام» گلینی!
آغارمیش ساچیملا
باغلارام بئلینی…
