ادبیاتیمیزدا اؤز ساده و صمیمی شعرلری و «لاله» تخلصی ایله تانینان تبریزلی شاعر رقیه خانیم علیقلیان یازدیغی لای‌لالاردان عبارت «هر گئجه بیر لای‌لا» عنوانلی یئنی کیتابینی نشر ائتمیشدیر. کیتابا ۳۶۵ لای‌لا داخیلدیر و «ییلاق قلم» انتشاراتی طرفیندن یاییلیبدیر. مولف کیتابینین مقدمه‌سینده بئله یازیبدیر:

«من بو اثری یاراتدیم کی یوردومون آنالاری اؤز اوره‌یه یاتیم، احساسلی سسلری‌له عزیز کؤرپه‌لرینه زمزمه ائتسینلر. چون کؤرپه‌یه لای- لای دئمک هر آنانین بورجودور. نئجه کی بیلیریک لای- لای‌لار آنالارا بیر الهام منبعی اولوب، بالاسینی باغرینا باسیب، اؤز حیس‌لرین لای- لای فورماسیندا کؤرپه‌سینه ایفاده ائدیر. یعنی بو احساسلی سؤزلرینی سوتونه قاتیب، بالاسینا وئریر. بو کیتاب ۳۶۵دانا لای- لایا شامیل اولور و بیر ایل بویوندا آنالار و بالالارا یولداشدیر. هر گئجه آنالار بالالارین باغرینا باسیب عشقلی و شیرین سؤزلرله اونسیت قورا بیلرلر. اَن بؤیوک آرزیم بودورکی منیم بو کیچیک ادبیات ساحه سینده یازدیغیم سؤزلر حؤرمتلی آنالارین خوشلارینا گلیب و بَینمیش اولالار.